NSO Group | |
---|---|
NSO Group | |
Ümumi məlumatlar | |
Tipi | özəl şirkət[d] |
Sənaye | Texnologiya |
Məhsulu | Pegasus |
Təsis tarixi | 25 yanvar 2010[1] |
Baş qərargahın yeri | Herzliya, İsrail |
İqtisadi göstəriciləri | |
Ümumi gəliri | US$ 243 milyon |
Əməliyyat mənfəəti | US$ 99 milyon |
Struktur | |
İşçi sayı | 750 (2021) |
Rəhbərlik | |
Təsisçi |
|
Rəhbərlik | Yaron Shohat |
nsogroup.com |
NSO Group Technologies (NSO, şirkətin təsisçilərinin adları olan Niv, Şalev və Omri götürülmüşdür) İsrail kiber-kəşfiyyat şirkətidir. Şirkət smartfonlara sıfır kliklə uzaqdan nəzarət edə bilən xüsusi casus proqramı olan Pegasus ilə tanınır. 2017-ci ilə qədər şirkətdə təxminən 500 nəfər işlədiyi qeyd olunur
NSO, bir neçə hökuməti terror və cinayətlə mübarizə aparmağa kömək edən texnologiya ilə təmin etdiyini iddia edir.[2] Şirkət yalnız xüsusi dövlət orqanları ilə əməkdaşlıq etdiyini qeyd edir. Pegasus casus proqramı İsrail tərəfindən silah kimi təsnif edilir və satışı və ixracı yalnız hökumət ilə razılaşma olduqdan sonra həyata keçirilir.
Bir sıra məlumatlara görə, NSO Group casus proqram təminatı müxtəlif ölkələrdə insan haqları fəallarını və jurnalistləri hədəf almaq üçün istifadə edilib,[3] Pakistana qarşı dövlət casusluğu üçün, İsrail vətəndaşlarına qarşı icazəsiz daxili nəzarət üçün istifadə edilib. İsrail polisi [4] və səudiyyəli dissident Camal Qaşıqçının Səudiyyə hökumətinin agentləri tərəfindən öldürülməsində rol oynayıb.[5]
2019-cu ildə ani mesajlaşma şirkəti WhatsApp və onun ana şirkəti Meta Platforms (o zaman Facebook kimi tanınırdı) ABŞ-nin Kompüter Fırıldaqlığı və Sui-istifadə Aktı çərçivəsində NSO-nu məhkəməyə verdiyi mətbuatda qeyd olunur.[2] 2021-ci ildə Apple ABŞ-də NSO-ya qarşı məhkəmə iddiası qaldırmışdır [6] və ABŞ NSO Qrupunu ABŞ-nin milli təhlükəsizliyi və xarici siyasət maraqlarına zidd fəaliyyət göstərdiyinə görə öz qara siyahısına daxil etdi və ABŞ şirkətlərinə NSO məhsullarını qadağan etmişdir.[7]